चिनियाँ राष्ट्रपति नेपाल आउदै,यस्तो छ भ्रमण तालिका



काठमाण्डौं।चिनियाँ राष्ट्रपति सी जिनपिङको नेपालको राजकीय भ्रमणको तालिका सार्वजनिक भएको छ ।परराष्ट्र मन्त्रालयका अनुसार चिनियाँ राष्ट्रपति सी राष्ट्रपति विद्यादेवि भण्डारीको निमन्त्रणामा दुई दिने नेपाल भ्रमणका लागि आगामी असोज २५ गते नेपाल आउन लागेका हुन् ।

असोज २५ गते चिनियाँ राष्ट्रपति नेपाल आउदै,दुई देशबीच समझदारी पत्र र एमओयूमा हस्ताक्षर

भ्रमणका क्रममा राष्ट्रपति सीले राष्ट्रपति विद्यादेवि भण्डारीसँग भेटवार्ता गर्ने कार्यक्रम रहेको छ । राष्ट्रपति भण्डारीले राष्ट्रपति सी र चिनियाँ डेलिगेसनका लागि भोजको आयोजना पनि गर्नेछिन् ।त्यस्तै, राष्ट्रपति सीले प्रधानमन्त्री केपी शर्मा ओलीसँग डेलिगेसन तहको औपचारिक वार्ता गरेका छन् । वार्तापछि दुई देशबीच समझदारी पत्र र एमओयूमा हस्ताक्षर गरिनेछ ।त्यस्तै, सीले विभिन्न पार्टीका शीर्ष नेताहरुसँग पनि भेटवार्ता गर्ने मन्त्रालयले जनाएको छ ।